सर्व अंगणवाड्या अद्ययावत केल्या जातील, नव्याने सुरू होणाऱ्या अंगणवाड्यांमध्ये गावातील सुशिक्षित महिलांनाही रोजगार मिळेल. नवीन राष्ट्रीय शैक्षणिक धोरणात प्राथमिक आणि पूर्व प्राथमिक शिक्षणाला विशेष महत्त्व देण्यात येणार आहे. त्यामुळे महाराष्ट्रातील सर्व अंगणवाड्यांमधील रिक्त पदे भरण्यात येणार आहेत. ज्या महसुली गावांमध्ये अंगणवाडी नाही तेथे नवीन अंगणवाड्या उघडण्यात येणार आहेत. त्यासाठी 20 हजार 601 जुनी रिक्त पदे भरायची आहेत.

यासोबतच गावातील सुशिक्षित महिलांना नव्याने सुरू झालेल्या अंगणवाड्यांमध्ये रोजगार मिळणार आहे. महाराष्ट्रातील अंगणवाड्या ‘एकात्मिक बाल विकास सेवा योजना’ या केंद्र पुरस्कृत योजनेद्वारे चालवल्या जातात. त्यामुळे नवीन राष्ट्रीय शैक्षणिक धोरणाची अंमलबजावणी करताना या सर्व अंगणवाड्या अद्ययावत करण्यावर भर देण्यात येत आहे.त्यामुळे 2017 पासून 20 हजार रिक्त पदे भरण्यासाठी कालबद्ध कार्यक्रम आखण्यात आला आहे. एकात्मिक बालविकास आयुक्त रुबल अग्रवाल यांनी सर्व जिल्हा परिषदांना अंगणवाडी सेविका, अंगणवाडी सहाय्यक आणि मिनी अंगणवाडी सेविकांची पदे 31 मे पूर्वी भरण्याचे निर्देश दिले आहेत.

तुम्हाला हेही वाचायला आवडेल

अंगणवाडी साठी अर्ज भारताय ? हि कागदपत्रे तयार ठेवा

या तारखेपासून अंगणवाडी भरती होणार सुरु, हि असेल पात्रता

अंगणवाडी सेविका यांच्या संपात आता यांची ऊडी, मागण्या मान्य करा नाहीतर आम्हीही संप करू

राज्यातील एक लाख दहा हजार अंगणवाड्यांमधील २० हजार अंगणवाडी सेविका व मदतनिसांच्या पदांसाठी आता भरती प्रक्रिया सुरू झाली आहे. पदोन्नतीनंतर, सर्व प्रक्रिया 31 मार्चपूर्वी पूर्ण केली जाईल. आता महिला उमेदवारांना भरतीसाठी किमान 12 वी पास असणे अनिवार्य आहे. 18 ते 35 वर्षे वयोगटातील उमेदवार या भरतीसाठी अर्ज करू शकतात. विधवांसाठी वयाची ४० अट आहे.

दरम्यान, उमेदवारांच्या गुणवत्ता यादीची पडताळणी जिल्हा कार्यक्रम अधिकारी (महिला व बालविकास) आणि शहराचे उपायुक्त यांच्यामार्फत केली जाणार आहे. उमेदवारांच्या नावांची अंतिम निवड करण्यापूर्वी गुणवत्ता पडताळणी समितीद्वारे पडताळणी केली जाईल. त्या समितीमध्ये एक बालविकास प्रकल्प अधिकारी, एक प्रकल्प कर्मचारी, एक पर्यवेक्षक किंवा दुसर्‍या तालुक्यातील प्रमुख कार्यकर्ता आणि इतर प्रकल्पातील एक कामगार यांची नियुक्ती केली जाईल.