५ मार्चपासून जिल्हा परिषदेच्या शाळा सकाळच्या सत्रात सुरू होणार आहेत. उष्णतेचा प्रकोप दिवसेंदिवस वाढत असून दरवर्षीप्रमाणे यंदाही जिल्हा परिषदेच्या सर्व शाळा सकाळी साडेसात ते अकरा वाजेपर्यंत भरणार आहेत. उष्णतेच्या पार्श्वभूमीवर. दूरवरून येणाऱ्या विद्यार्थ्यांना उष्माघाताचा फटका बसू नये, यासाठी हा निर्णय घेण्यात आला आहे.

दरवर्षी उन्हाळ्यात सोलापूर जिल्ह्याचे तापमान उच्चांकावर असते. उन्हाळ्यात सर्वाधिक तापमान असलेल्या राज्यातील पहिल्या दहा जिल्ह्यांमध्ये सोलापूर नेहमीच अव्वल ठरला आहे. सध्या शनिवारी (दि. 25) तापमान 37.6 अंश सेल्सिअसपर्यंत वाढले आहे. सोमवारी (दि. 20) तापमान 36.4 अंशांवर पोहोचले. शालेय शिक्षण विभाग दरवर्षी मुलांना उन्हात तापू नये म्हणून खबरदारी घेते. परंतु वर्षभरातील सार्वजनिक आणि सरकारी सुट्ट्या लक्षात घेऊन सकाळच्या सत्रात शाळा कधी घेता येईल, याचा कृती आराखडा तयार केला जातो.

आपल्याला हेही वाचायला आवडेल

या बँकेत २० लाख पगाराच्या नोकरीची संधी, पहा कसा करायचा अर्ज

सुरु करा हा लग्नाच्या सिझन मधील भन्नाट व्यवसाय, पैश्यात खेळत राहाल

आधार कार्ड – पॅन कार्ड लिंक नाही केले तर, भोगाव्या लागतील या गोष्टी

उन्हाळ्यात उष्माघाताचा धोका असून उन्हामुळे अभ्यासातही अडचणी निर्माण होतात. त्यामुळे उन्हाळ्याच्या सुरुवातीला 1 मार्च ते 30 एप्रिल या दोन महिन्यांत शाळेची वेळ फक्त सकाळीच असते. यंदा १ मार्चऐवजी ५ मार्चपासून सकाळच्या सत्रात शाळा सुरू होणार आहेत.मात्र, प्राथमिक शिक्षण विभागाकडून ही माहिती जिल्हा परिषदेच्या मुख्य कार्यकारी अधिकाऱ्यांना देण्यात येणार आहे. त्यानंतर सोमवारी (ता. 27) ते अंतिम निर्णय घेणार आहेत.

15 जून पासून नवीन शैक्षणिक वर्ष

जिल्ह्यातील शिक्षकांच्या बदल्यांची प्रक्रिया २७ फेब्रुवारीला पूर्ण होणार असून, ग्रामविकास विभागामार्फत यंदा प्रथमच सर्व शिक्षकांच्या ऑनलाइन बदल्या करण्यात येत आहेत. मात्र, जून-जुलैमध्ये ठरलेल्या बदल्या फेब्रुवारी संपूनही पूर्ण झालेल्या नाहीत.आता त्यांची बदली पुढील आठवड्यात पूर्ण होणार आहे, मात्र त्यांना नवीन शाळेत कधी रुजू व्हावे लागेल, याचे काम अद्याप सुरू आहे. दरम्यान, आगामी शैक्षणिक वर्ष १५ जूनपासून सुरू होणार असल्याचे शालेय शिक्षण विभागाच्या वरिष्ठ अधिकाऱ्यांनी सांगितले.